Lökbatan qəsəbəsində 2 mərtəbəli binada yanğın zamanı 2 sakin, 2 yanğınsöndürən xəsarət alıb.

Daxili İşlər Nazirliyinin (DİN) mətbuat xidmətindən Trend-ə verilən məlumata görə, martın 12-də saat 02 radələrində Qaradağ rayonunun Lökbatan qəsəbəsində 2-mərtəbəli 12 mənzilli binanın dam örtüyündə yanğın baş verib.

Nəticədə 2-ci mərtəbədə yanar konstruksiyalar yanıb, orada yaşayanlar A.Kazımova, C.Həsənov, habelə FHN-nin 2 əməkdaşı yanıq xəsarətləri ilə xəstəxanaya müraciət ediblər.

Fövqəladə Hallar Nazirliyi Bakıda yaşayış binasında baş verən yanğınla bağlı məlumat yayıb.

Trend-in nazirliyin saytına istinadən verdiyi məlumata görə, Bakı şəhəri, Qaradağ rayonunda ümumi sahəsi 900 kv.m olan (hər mərtəbəsi 450 kv.m) çoxmənzilli ikimərtəbəli qamışdan ibarət yaşayış binasının 1-ci mərtəbəsində mənzillərin arakəsmə divarları 96 kv.m sahədə, 2-ci mərtəbədə 6 mənzilin yanar konstruksiyaları və dam örtüyü 450 kv.m sahədə (ümumi 545 kv.m sahədə) yanıb.

Yanğın zamanı binadan 33 nəfər sakin yanğınsöndürənlər tərəfindən təxliyyə olunub və 2 nəfər xəsarət alan aidiyyatı üzrə təhvil veriliblər. Binanın qalan hissəsi yanğından mühafizə olunub.

Bakının Qaradağ rayonuda ikimərtəbəli yaşayış binasında baş verən yanğın nəhayət ki, söndürülüb.

Anspress-in verdiyi məlumata görə, yanğın saat 07 radələrində ram edilib.

Qeyd edək ki, ötən gecə Lokbatan qəsəbəsi Seymur Orucov küçəsindəki ikimərtəbəli, 3-girişli binada baş verən yanğını görən sakinlər dərhal binanı tərk ediblər.

Birinci girişin ikinci mərtəbəsindən qaynaqlandığı ehtimal edilən yanğının böyük miqyas almasına səbəb binanın tamamilə taxta və qamışdan ibarət olasıdır.

Əvvəlcə hadisə yerinə rayon üzrə yanğınsöndürmə briqadası çağırılsa da, alovun genişlənməsi ilə bütün Bakı qarnizonu üzrə çağırış elan edilib. Bundan əlavə, kömək və təhlükəsizliyi nəzərə alaraq hadisə yerinə Fövqəladə Hallar Nazirliyinin xüsusi riskli xilasetmə xidmətinin bütün şəxsi heyəti də əraziyə cəlb edilib.

İnsanlar binadan təxliyyə ediliblər. Yanğın gecə saatlarında baş versə də, onu yalnız səhər söndürmək mümkün olub.

İlkin ehtimal kimi yanğına elektirk naqillərində baş verən qısaqapanma göstərilir.

Faktla bağlı araşdırma aparılır.

В Локбатане в жилом здании произошел пожар.