ЛокБатан

Lökbatan dairəsində yeni mərkəz

Xaliq — Wed, 22 Feb 2017 10:30:47 GMT

Paytaxtın cənub girişi, Lökbatan dairəsinin yaxınlığındakı xaotik hərəkətə son qoyacaq layihə həyata keçirilir.

Bakı Nəqliyyat Agentliyi tərəfindən bu ərazidə yeni Nəqliyyat Mübadilə Mərkəzi yaradılıb. Dairənin yaxınlığından qəsəbələrə hərəkət edən avtobuslar artıq bir mərkəzdə toplaşır.

Yeni mərkəzə 70-80 avtobusun sərnişin düşürüb və götürməsi mümkündür. Bunun üçün ərazidə 5 dayacaq quraşdırlıb.

Hazırda Lökbatan dairəsinin yaxınlığından keçən avtobuslar bu ərazidə dayanır. Müxtəlif rayonlara sərnişin daşıyan sürücülər də ayrıca yer olmadığından avtomobilləri həmin ərazidə necə gəldi saxlayır.

Bakı Nəqliyyat Agentliyi həmçinin taksilər üçün də yer ayıracaq. Növbəti mərhələdə Beynəlxalq Avtovağzal kompleksi və Dərnəgül metrostansiyasının yanında da belə mübadilə mərkəzlərinin yaradılması planlaşdırılır.

Milli.Az

Lökbatan-Qobu avtomobil yolu yenidən qurulur

Xaliq — Sat, 14 Jan 2017 04:45:55 GMT

Bakı şəhəri, Qaradağ rayonu Lökbatan-Qobu avtomobil yolunun yenidən qurulması işlərinə başlanılıb.

“Azəravtoyol” ASC-dən Trend-ə verilən məlumata görə, yolun uzun müddət təmir edilməməsi səbəbindən asfalt-beton örtükdə dağılmış və qabarmış hissələr yaranıb. Bu isə xüsusən payız-qış mövsümündə gediş-gəlişi xeyli çətinləşdirir. Artıq bu problemin aradan qaldırlması istiqamətində işlərə başlanılıb.

Lökbatan-Qobu avtomobil yolunun uzunluğu 7.2 km-dir. Layihəyə əsasən yol 4-cü texniki dərəcəyə uyğun yenidən qurulur. Tikinti işləri çərçivəsində yolun torpaq yatağının yararsız qruntu qazılaraq çıxarılır, bunun əvəzinə karbonat materialı tökülərək kipləşdirilir və 10 m enində yeni torpaq yatağı inşa olunur. Daha sonra isə qum-çınqıl qarışığı və optimal qırmadaş qarışığından ibarət yeni yol əsasının tikintisi, hazır hissələrə isə 2 qat olmaqla (7sm+5sm) yeni asfalt-beton örtüyünün döşənməsi işləri aparılacaq. Ümumilikdə 50 min m2 ərazinin asfaltlanması planlaşdırılır.

Layihəyə uyğun olaraq yolun hərəkət hissəsinin eni bərkidici zolaqlarla birgə 7 m təşkil edir. Hər bir istiqamət üzrə 1.5 m enində çiyinlərin tikintisi işləri də aparılacaq. Hazırda yolun 1.6-2-ci km-lik hissəsində 450 m uzunluğunda istinad divarlarının inşası da aparılır. Yolun altından suların ötürülməsi üçün 3 yerdə 1200 mm diametrində borulardan istifadə edilməklə və ümumi uzunluğu 36 m olan dəmir-beton su keçidlərinin, həmçinin 2 yerdə 500 mm diametrində dəmir borulardan istifadə edilməklə suötürücü boruların tikintisi işləri aparılıb.

Yolda tikinti işləri bitdikdən sonra yol boyu avtonəqliyyat vasitələrinin normal hərəkətinin təşkili üçün piyada zolaqlarının, yolgöstərici və yolcizgi xətlərinin çəkilişi işləri aparılacaq, zəruri olan yerlərdə yol nişanları və məlumatverici lövhələr quraşdırılacaq. 7.2 km-lik Lökbatan-Qobu avtomobil yolunun tikintisi “Azəravtoyol” ASC-nin rəhbərliyinin nəzarəti altında tərtib olunmuş qrafikə uyğun və texnoloji ardıcıllığa riayət olunmaqla aparılır.

Qeyd edək ki, sözügedən yolun tikintisi ilə 2 yaşayış məntəqəsinin 47 min nəfər əhalisinin gediş-gəlişi xeyli asanlaşacaq, yük və sərnişin daşıması yaxşılaşacaq.

Trend

"Binə" və "Sədərək" təhlükə altında... - FOTO

Xaliq — Sun, 31 Jul 2016 04:30:19 GMT

Bu göl uzaqdan baxanda dupduru və mavi rəngdə görünür. Adama elə gəlir ki, gölün qurudulmasını Bakının ekoloji problemlərinin həllinin təxirəsalınmaz vəzifələrindən biri kimi müəyyən edəndə, bəlkə, tələsiblər?

Ancaq gölə yaxınlaşdıqca görürsən ki, tələsməyiblər, əksinə, gecikiblər. Oraya yaxınlaşdıqca zir-zibil və tullantılar ayaqlarımızın altında qalmağa başladı. Artıq kanalizasiyanın iyindən irəli getmək mümkün deyildi. Köynəyimizin yaxasını burnumuza tutub birtəhər balıqçıların olduğu qamışlığa yaxınlaşdıq. Çatana qədər ayağımızın altında qalmayan əşya olmadı: yolka oyuncağından tutmuş unitaza qədər. Bu Bakının ən çirkli göllərindən biri - Lökbatan gölünün uzaqdan və yaxından görünən mənzərəsidir...

Lökbatan gölünə səyahətimiz təsadüfi deyildi.

Milli.Az bildirir ki, virtualaz.org Bakının ekoloji problemlərini araşdırmaqdadır və bundan əvvəlki yazılarımızda Bakının ortasında mövcud olan bataqlıq-göldən, içməli su mənbələrinn vəziyyətindən yazmışdıq.

Şübhəsiz ki, şəhərin ekoloji problemlərindən biri də paytaxtda yerləşən çirkab gölləridir. Prezident İlham Əliyev "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"nda göllərin bərpası, o cümlədən, Abşeron yarımadasının 9 gölünün (Xocahəsən, Böyükşor, Binəqədi qəsəbə İdman Kompleksinin qarşısındakı göl, Qırmızı, Puta (Lökbatan), Qu, Zabrat, Bülbülə, Zığ gölləri) ekoloji vəziyyətinin yaxşılaşdırılması ilə bağlı sərəncam verib və buna uyğun olaraq da göllərin təmizlənməsinə başlanılıb. Hətta Böyükşor gölünün xarabalıqlarının əvəzində təmiz Böyükşor gölü və bulvarı salınıb. Amma son vaxtlar bu sahədə işlər dayanıb. Ekoloji problemlərin həlli böyük vəsait tələb edən işdir və görünür neftin ucuzlaşmasından sonra bu sahəyə vəsaitlərin yönəldilməsi dayanıb.

Təmizlənmək və ya qurudulmaq üçün siyahıya salınan 9 çirkli göldən biri olan Lökbatan gölünü müşahidə etmək kifayətdir ki, bu ekoloji proqramın vacibliyini bir daha anlayasan.

Elə gölə yaxınlaşmışdıq ki, yük maşınını zir-zibil boşaldan gördük. Amma biz çatana qədər maşın yükünü boşaldıb getdi. Lökbatan gölünün girişində ucu-bucağı görünməyən "Binə" və "Sədərək" ticarət mərkəzlərinin kanalizasiya boruları ilə qarşılaşırıq. Onlardan biri yarıda qırıldığından kanalizasiya suları elə gölün ətrafına axırdı. Bir qədər irəlidə isə ətrafa yığılmış qırmızı rəngli maddə burada hansısa kimyəvi reaksiyaların getdiyindən xəbər verirdi.

Gönorta olmasına baxmayaraq gölün ətrafında ağcaqanadlar qaynaşırdı. Xəstəlik mənbəyi olan göl ilk növbədə ətraf üçün təhlükə yaradır. Burada yaşayış evləri olmasa da, yaxınlıqda mağazalar, çörəkbişirmə sexi, kafe və digər obyektlər var. Elə həmin obyekdə çalışanlardan öyrəndik ki, təxminən iki ay öncə dostları ilə bu göldə Avrasiya Universitetinin 3-cü kurs tələbəsi Kənan Muradov batmışdı. Suda boğulub ölən 22 yaşlı gənc gölə balıq tutmağa gəlibmiş.

Göl o qədər çirklənib ki, adətən su hövzələrinin həndəvərində dolanan qarğalar da bu çirkaba qonmaq istəmirlər. Ancaq əllərində tilov gözlərini qırpmadan gölə zilləmiş balıqçıları gördük. Söhbət etməyə o qədər də həvəsli görünməsələr də çətinliklə bir-iki kəlmə qopara bildik. Rauf və Nofəl adlı balıqçılar bir ay olar ki, buraya gəlirlər. Balığı isə satmaq üçün deyil, özləri üçün tuturlar.

"Özümüz üçün tuturuq. Adətən səhərlər gəlirik, bu gün gecikmişik. Çünki balıq səhər saat 8-9-da, bir də axşam 6-9 arası çox olur. Amma balıq mütləq olur, zəif olanda 10-15 balıq tuturuq. Səhər tezdən balıqların gəzən vaxtıdır. Amma günorta qamışlığa girib çıxmırlar. Daha çox tutduğumuz isə karp balığıdır", - Nofəl bildirir.

Nofəl suyun çirkli olduğunu etiraf etsə də, balığın çirkli olmadığını deyir. O, hesab edir ki, əgər balığı yuyub təmizləyirlərsə, yemək üçün heç bir təhlükə qalmır:

"Belə tutduğumuz kimi yemirik ki, təhlükəli olsun. Üzünü təmizləyirik, yuyub yeyirik..."

Lakin Musəvi adlı digər balıqçı göldəki balıqların zəhərli olmasından xəbərdardır. Balıq tutmağın sadəcə məşğuliyyət olduğunu deyən gənc balıqçının sözlərinə görə, tutduqlarını çox zaman pişiyə atır: "Mən işləyirəm, çox vaxt buraya bazar günü gəlirəm. Əslində mənə balıq lazım deyil, gəlib azarımı öldürürəm. Satmıram, çox vaxt tuturam, gedəndə burada kiməsə verib gedirəm. Bu gün ancaq bir dənə tutmuşam. Lap olur ki, buradan tutduğumu aparıb pişiyə atıram. Əslində bu gölün balığını yemək düzgün deyil".

Ekoloq Əzizağa Hümbətəliyevin virtualaz.org-a verdiyi məlumata görə, Lökbatan və digər Binə və Sədərək ticarət mərkəzlərinin ətrafında olan gölməçələr neft rezervuarlardan sızan su hesabına yaranıb. Ekspert hesab edir ki, nəinki buradan balıq tutub yemək, heç bu ətrafda yaşamaq və ya işləmək olmaz.

"Neft istehsal olunandan sonra ərazidən neftlə bərabər su da çıxır. Əslində sızaraq göl şəklində yığılan bu sular radiasiyalıdır. Ola bilər ki, göl həm də yağış suyunun hesabına qidalansın və ya kanalizasiya suları axıdılsın. Ümumiyyətlə, həmin zona radiasiya zonasıdır. Tərkibində rezervuarlardan sızan neft tullantıları var. Neft olan ərazidə həmişə uran və radon qazı olub. Bu qaz çox təhlükəlidir. İnsanlarda onurğa beyninin şişi və saymaqla bitməyən digər xəstəliklərə səbəb olur. Radiasiyalı suda balıq tutmaq çox təhlükəlidir. Həmin balıqlarda birbaşa radiasiya var və qida üçün çox zərərlidir", - ekoloq deyir.

Ərazinin güclü şüalanma zonası olduğunu deyən ekspertin sözlərinə görə, yaxınlıqda ticarət mərkəzlərinin olmasının özü də qanunsuzdur. Göllərin təmizlənməsinə gəlincə, Ə. Hümbətəliyev hesab edir ki, bu ərazini təmizləmək olduqca çətin prosesdir.

"Əslində bu ərazilərin rekultivasiyası və bioremediasiyası mürəkkəb işdir. Çox təəssüf ki, təmizlənmə işləri aparılan yerlərdə rekultivasiya adı altında radiasiya tullantılarının üzərinə torpaq və digər tullantılar tökülür. Bu isə düzgün deyil. Əslində isə həmin təmizlənməli ərazinin layihəsi tutulmalıdır, torpağın tərkibi öyrənilməlidir. Bilmək lazımdır ki, orada hansı bitkini yetişdirmək olar", - ekoloq bildirir.

Digər bir məqam isə ondan ibarətdir ki, ekspertlər gölün Xəzərə çıxışının olmasını da istisna etmirlər. Yəni gölün Xəzərin sahilində olduğunu nəzərə alsaq, yağış yağanda və ya sularda artım olanda bu göllərin suyunun Xəzərə tökülməsi ehtimalı var. Bu isə o deməkdir ki, Lökbatan və Qaradağda yerləşən digər göllərin birbaşa Xəzərin çirklənməsində rolu ola bilər.

Digər şəkillərə baxmaq üçün aşağıdaki linkə daxil olnu.

News.milli.az/gallery

Bakıda yollarda hazırki vəziyyətlə bağlı RƏSMİ AÇIQLAMA

Xaliq — Sun, 31 Jul 2016 04:23:03 GMT

Keçən il Nazirlər Kabineti rayon qeydiyyatlı avto-nəqliyyat vasitələrinin günün müəyyən vaxtlarında paytaxta girişini qadağan etsə də, son vaxtlar bu qaydalara, demək olar ki, əməl edilmir. Bakının hər iki girişində, Lökbatan və Masazır qəsəbələri yaxınlığında rayon qeydiyyatlı avtomobillərin saxlanılması üçün nəzərdə tutulmuş dayanacaqlarda əsasən iri yük maşınlarına rast gəlmək olur ki, onlar da əsasən gecənin düşməsindən sonra şəhərə daxil olmağı gözləyənlərdir.

Milli.Az bildirir ki, Baş Dövlət Yol Polisi İdarəsinin şöbə rəisi Kamran Əliyev lent.az-a açıqlamasında deyib ki, rayon qeydiyyatlı avtomobillərin Bakıya buraxılmaması ilə bağlı qaydalar qüvvədə olsa da, hazırda paytaxtda nəqliyyatın sıxlığı aşağı olduğundan günün istənilən saatında onların şəhərə daxil olmasına maneə yaranmır: "Düzdür, məhdudiyyət qüvvədə qalır, amma paytaxt yollarında son vaxtlar elə bir sıxlıq müşahidə edilmir. Həm də əhali də başa düşür ki, lüzumsuz yerə rayondan paytaxta maşın sürməyə ehtiyac yoxdur. Hazırda əsasən rayonlardan Bakıya meyvə-tərəvəz gətirən avtomobillərin daxil olduğunu görürük və onlar da əsasən gecə saatlarında bazarlara daxil olurlar".

K.Əliyev əlavə edib ki, paytaxtda bir sıra dövlət tədbirləri, kütləvi yarışlar keçiriləndə mövcud qaydalara əsaslanaraq rayon qeydiyyatlı avtoimobillərin şəhərə daxil olmasına məhdudiyyət qoyulur: "Biz də əvvəlcədən sürücülərə müraciət edirik ki, tədbirlərin keçirildiyi vaxtda məhdudiyyət olacaq. Amma hazırda mövsümlə əlaqədar şəhərdə nəqliyyat vasitələrinin sıxlığı aşağıdır. Digər aylarda Bakıya hər gün 65 mindən çox avtomobil daxil olurdusa, indi bu rəqəm çox aşağıdır və əvvəlki kimi kütləvi axın yoxdur".

Lökbatan - Qobu yolu təmir ediləcək

Xaliq — Sun, 31 Jul 2016 04:18:06 GMT

Prezident İlham Əliyev Bakı şəhəri Qaradağ rayonunun Lökbatan-Qobu avtomobil yolunun tikintisi ilə bağlı tədbirlər haqqında sərəncam imzalayıb.

Sərəncama əsasən, 47 min əhalinin yaşadığı 2 yaşayış məntəqəsini birləşdirən Lökbatan-Qobu avtomobil yolunun tikintisi məqsədilə 2016-cı il dövlət büdcəsində "Avtomobil Yolları" Məqsədli Büdcə Fondunda nəzərdə tutulmuş vəsaitdən 2 milyon manat ayrılıb.

Maliyyə Nazirliyinə və "Azəravtoyol" Açıq Səhmdar Cəmiyyətinə bu Sərəncamda nəzərdə tutulan məbləğdə maliyyələşməni və tikinti işlərini müəyyən olunmuş qaydada təmin etmək tapşırılıb.

Milli.Az

Bakıda yeni söküntü başlanır / В Баку более 400 домов пойдут под снос

Xaliq — Sun, 31 Jan 2016 04:03:43 GMT

Nazirlər Kabineti Bakı şəhərinin Binəqədi və Qaradağ rayonlarının sosial-iqtisadi inkişafının sürətləndirilməsinə dair əlavə tədbirlər barədə qərar verib.

Bakı şəhəri Binəqədi Rayon İcra Hakimiyyəti və Bakı şəhəri Qaradağ Rayon İcra Hakimiyyəti 5 il müddətinə mülkü, mənzil, şəhərsalma və tikinti qanunvericiliklərinin tələblərinə əməl etməklə, şəhərin ümumi görünüşünə xələl gətirən, qəzalı vəziyyətdə olan və mövcud şəhərsalma normalarına cavab verməyən Binəqədi rayonu üzrə 1247 ailə yaşayan 49 çoxmənzilli yaşayış binasının, həmçinin Biləcəri bələdiyyəsi ərazisində yeraltı qaz sızması aşkar olunmuş zonadakı 166 fərdi yaşayış evinin və Qaradağ rayonunun Lökbatan, Sahil, Puta, Qızıldaş və Ələt qəsəbələrində XIX əsrin sonları və ötən əsrin əvvəllərində tikilmiş, 10 960 nəfər yaşayan 274 qamış və taxta yaşayış binalarının, habelə Binəqədi və Qaradağ rayonları ərazisində yaşayış üçün yararsız olan digər binaların, sosial və digər təyinatlı qeyri-yaşayış obyektlərinin sökülməsini və yenidən qurulmasını, ərazi və ərazi hissələrinin müfəssəl planlarının hazırlanmasını və təsdiqini, habelə yeni tikiləcək yaşayış binalarının və qeyri-yaşayış obyektlərinin layihələrinə razılığın, tikintiyə və tikinti obyektinin istismarına icazənin verilməsini, həmçinin bu məqsədlə dövlət mülkiyyətində olan torpaqların daimi istifadəyə və icarəyə verilməsini təmin etməlidir.

Eyni zamanda rayon icra hakimiyyətləri mənzil fondunun yenilənməsi, sakinlərin mənzil-məişət şəraitinin yaxşılaşdırılması məqsədi ilə tikinti şirkətləri tərəfindən öz vəsaitləri və ya cəlb edəcəkləri kredit vəsaitləri hesabına inşa ediləcək çoxmənzilli yaşayış binaları üçün qəzalı vəziyyətdə olan, söküləcək tikililərin ərazilərindən istifadə edilməsinə, hüquqi və fiziki şəxslərin mülkiyyətində və ya istifadəsində olan torpaq sahələrinin mülki qanunvericiliyə uyğun olaraq onların razılığı ilə və dəyəri ödənilməklə əldə edilməsinə və ya həmin torpaq sahələrinin əvəzləşdirilməsinə şəraitin yaradılmasını, qanunvericiliyin tələblərinə uyğun olaraq qəzalı vəziyyətdə olan binaları sökərək, onların yerində yeni yaşayış binası tikməyi öhdəsinə götürən tikinti şirkətlərinə yeni yaşayış binası tikilənədək bu binalardan köçürülən sakinlərin müvəqqəti olaraq kirayə edilmiş mənzillərdə yerləşdirilməsi üçün lazımi maliyyə vəsaitinin ödənilməsini və həmin sakinlərə sökülmüş tikililərin yerində yeni tikiləcək yaşayış binasında müvafiq mənzillərin ayrılmasını təmin etməlidirlər.

Görülmüş işlər barədə ayda bir dəfə Nazirlər Kabinetinə məlumat verilməlidir. Bina və fərdi evlərin sökülməsi və tikintisinin icrasına nəzarət tikinti və kommunal təsərrüfatı şöbəsinə və regionların inkişafı şöbəsinə tapşırılıb.

Milli.Az

В Баку более 400 домов пойдут под снос

Кабинет министров принял решение о дополнительных мерах в связи с ускорением социально-экономического развития Бинагадинского и Гарадагского районов Баку.

Исполнительные власти Бинагадинского и Гарадагского районов Баку, соблюдая требования гражданского, жилищного, градостроительного и строительного законодательств, в течение 5 лет должны обеспечить снос и реконструкцию 49 многоквартирных зданий, в которых проживают 1247 семей. По Бинагадинскому району, здания, которые не соответствуют общему виду города, находятся в аварийном состоянии и не отвечают градостроительным нормам, а также 166 частных домов в зоне утечки газа на территории муниципалитета Баладжары и построенных в конце 19 - начале 20 века в поселках Локбатан, Сахил, Пута, Гызылдаш и Алят Гарадагского района 274 камышовых и деревянных домов, в которых проживают 10960 человек и непригодных для проживания других зданий, социальных нежилых объектов на территориях Бинагадинского и Гарадагского районов.

В то же время Исполнительные власти районов должны обеспечить обновление жилфонда, выделение жителям квартир в новых зданиях, которые построят на месте снесенных за счет привлечения кредитных средств или личных средств строительных компаний с целью улучшения жилищно-бытовых условий.

О проведенных работах раз в месяц нужно отчитываться перед Кабинетом министров. Контроль за сносом и постройкой зданий и частных домов поручен отделу строительного и коммунального хозяйства и отделу развития регионов.

DAY.az

Prezident İlham Əliyev yeni zavodun açılışında iştirak edib

Xaliq — Sun, 31 Jan 2016 03:58:21 GMT

Azərbaycan Respublikasının Prezidenti İlham Əliyev yanvarın 30-da Bakının Qaradağ rayonunda "Mətanət-A" şirkətinin Yeni Ağdağ gips zavodunun açılışında iştirak edib.

Əvvəlcə iqtisadiyyat naziri Şahin Mustafayev dövlətimizin başçısına İqtisadiyyat Nazirliyinin Sahibkarlığa Kömək Milli Fondu tərəfindən Bakıətrafı qəsəbələr üzrə ödənilən güzəştli kreditlər barədə məlumat verdi. Qeyd edildi ki, indiyədək Fondun vasitəsilə Bakıətrafı qəsəbələr üzrə 2220-dək sahibkara 430 milyon manat güzəştli kredit verilib. Bu məbləğin 286 milyon manatı yeni texnologiyalara əsaslanan 86 müəssisənin yaradılmasına ayrılıb. Bu müəssisələrin arasında transformator, elektrotexniki avadanlıqlar, qida sənayesi, tikinti materialları, neft-kimya sənayesi avadanlıqları, çörək zavodları, tikiş fabriki, logistik mərkəzlər və digər istehsal sahələri var. Bakıətrafı qəsəbələr üzrə verilmiş kreditlər hesabına 26 mindən çox yeni iş yeri yaradılıb. Qaradağ rayonu üzrə isə 100 sahibkara 78 milyon manat güzəştli kredit verilib və bu kreditlər hesabına 3700-dən çox yeni iş yeri açılıb.

"Mətanət-A" şirkətinin rəhbəri Elxan Bəşirov şirkət barədə məlumat verib. Bildirilib ki, bu şirkətin tərkibinə 5 zavod - quru inşaat qarışıqları zavodu (illik istehsal gücü 100 min ton), boya zavodu (5 min ton), beton qatqıları zavodu (5 min ton), gips hörgü bloku zavodu (250 min kvadratmetr) və Ağdağ gips zavodu (250 min ton) daxildir. Bu zavodlarda 800-dən çox iş yeri yaradılıb və orta aylıq əmək haqqı 600 manatdır.

Prezident İlham Əliyevə şirkətin perspektiv layihələri barədə məlumat verilib. Şirkət tərəfindən 4 zavodun - Qaradağda illik istehsal gücü 8 milyon kvadratmetr olan gips karton və 35 min ton olan mineral yun, Qazaxda 50 min ton olan əhəng və Balaxanıda 300 min ton zənginləşdirilmiş kvars qumu zavodlarının tikilməsi nəzərdə tutulur. Bu zavodların yaradılmasına ümumilikdə 105 milyon manat investisiya qoyulacaq və dövlətin güzəştli kreditlərindən də istifadə olunacaq. Zavodların yaradılması nəticəsində 1500 daimi və 500 mövsümi iş yeri açılacaq. Yeni zavodların işə başlaması Lerik, Abşeron, Qaradağ, Qobustan, Daşkəsən, Goranboy və Qazax rayonlarında yardımçı istehsal sahələrinin də yaradılmasına imkan verəcək.

Şirkətin 6-cı müəssisəsi olan Yeni Ağdağ gips zavodu 4,4 hektar sahədə yaradılıb. Burada gips əsaslı tikinti materialları istehsal ediləcək. Müəssisədə yüksək keyfiyyətli məhsul əldə etmək üçün bütün şərait yaradılıb. Zavodda müasir və qabaqcıl texnologiyaların tətbiqi məhsulun maya dəyərinin aşağı düşməsinə, yüksək keyfiyyətin əldə edilməsinə və idxalın əvəz olunmasına imkan yaradır. Zavodun Goranboyda gips və Daşkəsəndə kalsid karxanaları var. Bu karxanalarda 100 nəfər çalışır. Müəssisənin illik istehsal gücü 400 min ton təşkil edir. Bu zavodun yaradılmasına İqtisadiyyat Nazirliyinin Sahibkarlığa Kömək Milli Fondu tərəfindən 1,5 milyon manat güzəştli kredit verilib. Ümumilikdə isə "Mətanət-A" şirkətinə Fond tərəfindən 2,5 milyon manat güzəştli kredit ayrılıb.

Dövlətimizin başçısı Yeni Ağdağ gips zavodunda istehsal ediləcək məhsullara baxdı. Bu məhsullar müasir standartlarına cavab verməklə yanaşı, həm də Azərbaycan brendi kimi ölkəmizin iqtisadi potensialını dünyaya nümayiş etdirəcək. Müəssisədə quraşdırılan müasir avadanlıq hesabına məhsullar yüksək keyfiyyəti ilə seçiləcək. Zavodda əsasən yerli xammaldan istifadə olunacaq. Hazırlanan məhsulların daxili tələbatın ödənilməsi ilə yanaşı, 50 faizinin Rusiya, Qazaxıstan, Gürcüstan, Türkmənistan, İran və Ukraynaya ixrac olunması nəzərdə tutulur.

Prezident İlham Əliyev "Mətanət-A" şirkətinin digər zavodlarında istehsal edilən məhsullarla da tanış oldu. Bildirildi ki, şirkətin zavodlarında 1000-dən artıq çeşiddə məhsul buraxılır. Bu məhsullar satışa 200-dən artıq ticarət markası ilə çıxarılır. Şirkət bir neçə patentləşdirilmiş ixtiranın müəllifidir. 2000-ci ildə yaradılan bu şirkət fəaliyyətində "daha aşağı qiymətə, daha keyfiyyətli məhsul əldə etmək" devizini əsas meyar seçib. Şirkət məhsullarını İran və MDB ölkələrinə ixrac edir. Zavodlarda nano və smart texnologiyalar tətbiq edilir ki, bu da məhsulun yüksək keyfiyyətli olmasında mühüm rol oynayır. Ekoloji təmizliyi ilə də seçilən məhsullar arasında dünyanın əksər ölkələrində patentləşdirilmiş fasadda ağlay daşını yaradan quru qarışıq - FASNATURAL məhsulu da var. Su hopmayan bu məhsulun özəlliyi fasadın yükünü 11 dəfəyədək azaltması və şaxtaya tam davamlı olmasıdır.

Dövlətimizin başçısı Yeni Ağdağ gips zavodunu işə saldı.

Sonra Prezident İlham Əliyev zavodun kollektivinin üzvləri ilə görüşüb söhbət etdi.

Prezident İlham Əliyev: Maaş da yaxşı verirsiniz?

Elxan Bəşirov: Orta aylıq əmək haqqı 600 manatdır.

Prezident İlham Əliyev: Siz necə, razısınız?

İşçilər: Bəli.

Prezident İlham Əliyev: Bu gözəl şəraitdə işləmək insanlara zövq verir. Təbrik edirəm. Fəaliyyətinizi daha da genişləndirin. Həm şirkət, həm ölkə iqtisadiyyatı, sənaye istehsalı inkişaf etsin, ölkəmiz daha da güclənsin.

Şirkətin vitse-prezidenti Fuad Bəşirov: Sizin uğurlu siyasətinizə yeni nailiyyətlərimizlə dəstək veririk.

Prezident İlham Əliyev: Şadam ki, 2016-cı ildə də belə gözəl müəssisələr açılır. İli yaxşı başlamışıq. "Mətanət-A" şirkətinin rəhbəri regional konfransda da çıxış etmiş, nailiyyətlər haqqında danışmışdır. Şadam ki, bu şirkət ölkəmizin iqtisadi inkişafına çox yaxşı töhfə verir. Dövlət də sizi dəstəkləyir. İqtisadiyyat Nazirliyinə göstəriş vermişdim ki, bundan sonra da lazımı dəstəyi versin. Təki, siz daha da yaxşı işləyəsiniz, insanlar daha da yaxşı maaş alsınlar, xalqımız daha da yaxşı yaşasın. Təbrik edirəm sizi.

İşçilər: Allah sizi qorusun. Çox sağ olun.

Dövlətimizin başçısı zavodun fəaliyyəti ilə tanış oldu. Məlumat verildi ki, burada gips əsaslı suvaq, astar və üzlük yaxı materialları, inşaat və dekorativ məmulatların hazırlanması üçün gips, aralıq doldurucuları, gips blok yapışdırıcıları, gips hörgü blokları və digər məhsullar istehsal olunacaq. Burada 300 yeni iş yeri yaradılacaq. Müəssisənin istehsal prosesində ekoloji təmiz məhsul əldə etməyə və enerjiyə qənaətə xüsusi diqqət yetirilir. Bu isə öz növbəsində məhsulun maya dəyərini aşağı salır. Nəticədə istehlakçılara daha münasib qiymətlərlə onların təlabatına uyğun yüksək keyfiyyətli gips əsaslı məhsullar təqdim ediləcək. Bunun sayəsində ölkəmizin ixrac potensialının daha da artırılması mümkün olacaq. Zavod dünyanın aparıcı şirkətlərinin müasir avadanlıqları əsasında qurulub.

Dövlətimizin başçısının müəyyən etdiyi sənayeləşmə siyasətinə uyğun olaraq, həyata keçirilən tədbirlər nəticəsində son illər yeni inkişaf mərhələsinə qədəm qoymuş ölkəmizin sənayesində ənənəvi sahələr genişlənməklə yanaşı, digər yeni sənaye sahələri yaradılıb. Hazırda ölkədə fəaliyyət göstərən sənaye müəssisələrində müxtəlif tikinti materialları istehsal olunur və bu da Azərbaycanın ixrac potensialını artır. Prezident İlham Əliyevin tapşırığına uyğun olaraq, güzəştli kreditlər hesabına tikinti materiallarının istehsalının ən müasir texnologiya və avadanlıqlar əsasında yaradılması məqsədilə İqtisadiyyat Nazirliyinin Sahibkarlığa Kömək Milli Fondu tərəfindən son illər ümumi dəyəri 208,5 milyon manat olan 22 tikinti materialları istehsalı müəssisəsinin yaradılmasına 73 milyon manat güzəştli kredit ödənilib. Artıq 19 müasir müəssisə fəaliyyət göstərir.

Zavodla tanışlıqdan sonra Prezident İlham Əliyev kollektivə uğurlar arzuladı.

Sonda xatirə şəkli çəkdirildi.

Məqaləyə dair fotomateriallara aşağıdaki linkdə baxa bilərsiniz.

news.milli.az/gallery

Цены на квартиры в Баку

Xaliq — Wed, 23 Dec 2015 14:53:23 GMT

В ноябре 2015 года на рынке вторичного жилья была продолжена тенденция снижения цен.

Об этом в беседе с корреспондентом Day.Az сказал эксперт ООО "Экспертный центр недвижимости" Ровшан Талыбзаде.

По его словам, в октябре на продажу было выставлено более 6000 квартир.

"Проведенные нами исследования показали, что в ноябре вторичное жилье подешевело на 5,6%, составив 1349 манатов за 1 квадратный метр", - отметил Р.Талыбзаде.

Наш собеседник сообщил, что по сравнению с октябрем, в ноябре объем заключенных сделок упал на 4,0%, что объясняется сокращением объема выдачи ипотеки к концу года.

"Проведенные нами исследования показывают, что основные причины снижения цен на жилье - изменение макроэкономических показателей, сокращение объемов государственных доходов, процессы, идущие по всему миру, снижение покупательской способности потребителей", - сказал Талыбзаде.

Говоря о том, сколько еще сохранится тенденция снижения цен на рынке вторичного жилья, эксперт отметил, что давать прогнозы по рынку недвижимости - довольно рискованное дело.

"Цены на жилье в последнем квартале упали на 13%. По сравнению с аналогичным периодом прошлого года, в текущем году жилье подешевело на 19,1 %", - сообщил Р.Талыбзаде.

Cеймур Мамедов

Ниже представлена расширенная таблица средних цен за квадратный метр жилплощади, подготовленная на основе данных ООО "Экспертный центр недвижимости". Цены приведены по состоянию на ноябрь 2015 года и указаны в AZN.

Ул. А.Нейматуллы	1813
Памятник А.Султановой	1722
Посольство США	1844
Пр-т Ататюрка	1847
Авиакасса	1811
Отель "Европа"	1740
Аздрама	2062
Кинотеатр "Азербайджан"	2687
Пр-т Азербайджана	2382
Азнефть	2475
Проспект Азадлыг	1676
Сад им.М.Ф.Ахундова	2256
Поселок Баладжары	1540
Поселок Бина	1130
Проспект Бюльбюля	2763
Поселок Бузовна	1110
Пр-т Бабека	1594
Поселок Бадамдар	1568
Поселок Баил	1636
Кинотеатр "Бакы"	1419
Поселок Бакиханова	1457
Улица Бакиханова	2044
Бешмяртябя	2198
Ул. Дж.Гаджибейли	1920
Ул. Дж.Нахчыванского	1560
Джаванширский мост	1782
Ул.Д.Алиевой	1934
Жилой массив Дарнагюль	1469
Кинотеатр "Дружба"	1852
Ул. Э.Алекперова	2039
Станция метро "Ахмедлы"	1510
Пос. Ахмедлы	1302
Бывший пам. Азизбекову	2061
Пр.Ф.Х.Хойского	1777
Площадь фонтанов	2551
Ул. Физули	2311
Пр-тГянджа	1322
Станция метро "Гянджлик"	2038
Станция метро "А.Асланов"	1412
Поселок А.Асланов	1313
Пр-т Г.Джавида	1838
Пр-т Г.Алиева	1910
Дворец Гейдара Алиева	2284
Комбинат З.Тагиева	1411
Ул. академика Г.Алиева	1683
Поселок Говсаны	1215
Отель "Hyatt Regency"	1745
Ичеришехер	2670
Станция метро "Ичеришехер"	2665
Станция метро "Иншаатчылар"	1704
Проспект Иншаатчылар	1673
Ул. Истиглалият	2537
Поселок Локбатан	1207
Станция метро "М.Аджеми"	1723
Ул. М.Хади	1304
Ул. М.Гашгай	1701
Проспект Мятбуат	1587
ЦУМ	2545
Поселок Мушвиг	999
Молоканский сад	2785
Ул. Мехмандарова	1313
Поселок Монтин	1792
Ул. Н.Туси	1289
Пам. Н.Нариманову	1910
Наримановский районный суд	1801
Станция метро "Н.Нариманов"	1956
Проспект Нариманова	1813
Насиминский базар	1864
Ул. Низами (Торговая)	2894
Станция метро "Низами"	1942
Кинотеатр "Низами"	2479
Ул. Низами	2604
Станция метро "Нефтчиляр"	1737
Проспект Нефтчиляр	2655
Неапольский круг	1397
Проспект Нобеля	1225
Проспект парламента	2197
Станция метро "Г.Гараева"	1647
Кинотеатр "Гялябя"	1593
Поселок Гарачухур	1442
Ул.Р.Бехбудова	2380
Поселок Расулзаде	1558
Посольство России	1910
Радиозавод	1421
Сад имени С.Вургуна	2149
Ул. С.Вургуна	2077
Ул. Шарифзаде	1613
Шярг базары	1585
Ул. Шыхлински	1355
Статистический комитет	1927
Поселок Сураханы	1390
Поселок Сабунчу	1427
Станция метро "Сахиль"	2894
Поселок Сахиль	1242
Тбилисский проспект	1684
Ул. Тебриза	1697
Тязя базар	1767
Медицинский университет	1856
Ул. Уз.Гаджибекова	1935
Украинский круг	1456
Бывший поселок Воровского	2035
Ясамальский рынок	1593
Поселок Ясамал	1579
Поселок Ени Гюнешли	1327
Поселок Ени Ясамал	1206
Ул. З.Буньядова	1467
Ул. З.Алиевой	2784
Ул. З.Халилова	1921
Поселок Зых	1441
Поселок Забрат	1082
Парк Зорге	1809
Зоопарк	1983
Станция метро "Э.Академиясы"	1887
Поселок Кехня Гюнешли	1453
Бывший пам. К.Марксу	1670
Поселок Кешля	1488
Магазин "Олимп"	1804
Станция метро "Х.Достлугу"	1529
Ул. Хагани	2544
Универмаг "Хазар"	1435
Станция метро "Хатаи"	1685
Город Хырдалан	1305
1-й микрорайон	1456
Станция метро "20 Января"	1726
Поселок "20-й участок"	1239
Станция метро "28 Мая"	2350
Ул. 28 Мая	2243
2-й микрорайон	1426
3-й микрорайон	1556
4-й микрорайон	1448
5-й микрорайон	1513
Больница №5	1716
6-й микрорайон	1435
7-й микрорайон	1472
8-ой микрорайон	1675
Поселок "8-ой км"	1546
9-й микрорайон	1456

"Sədərək"də nə baş verib? - RƏSMİ AÇIQLAMA

Xaliq — Thu, 19 Nov 2015 06:44:21 GMT

Bakı Şəhər Prokurorluğu "Sədərək" ticarət mərkəzində baş verən insidentlə bağlı rəsmi məlumat yayıb.

Şəhər prokurorluğu mətbuat xidmətindən "Report"a daxil olan məlumatda bildirilib ki, noyabrın 16-da paytaxtın Lökbatan qəsəbəsində fəaliyyət göstərən "Sədərək" ticarət mərkəzində qapıçı işləyən, əvvəllər məhkum olunmuş İsmət Bəkirovun qadağan edilmiş ərazidə siqaret çəkib yerə atması səbəbindən həmin vaxt orada xidməti vəzifələrini icra edən DİN-in Baş Mühafizə İdarəsinin Qaradağ rayon Mühafizə şöbəsinin polis nəfərləri Şaiq Ağayev və Vüqar Qəmbərov ona yaxınlaşaraq bu barədə iradlarını bildirdikdə, o, üstündə gəzdirdiyi bıçaqla V.Qəmbərovun bel nahiyəsindən, Ş.Ağayevin isə qarın boşluğundan daxilə nüfuz edən xəsarətlər yetirməklə onları qəsdən öldürməyə cəhd edib, lakin öz iradəsindən asılı olmayan səbəblərə görə cinayət əməlini başa çatdıra bilməyib. Zərərçəkmişlər aldıqları xəsarətlərlə bağlı DİN-in Hospitalına yerləşdiriliblər.

Fakta görə Qaradağ Rayon Prokurorluğunda Cinayət Məcəlləsinin 29, 120.2.3-cü (zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumunu qəsdən öldürməyə cəhd) maddəsi ilə cinayət işi başlanıb, müvafiq ekspertizalar təyin edilib, cinayətin aləti olan bıçaq maddi sübut kimi götürülüb və digər zəruri istintaq tədbirləri həyata keçirilib.

İ.Bəkirova Cinayət Məcəlləsinin qeyd edilən maddəsində nəzərdə tutulan ittiham elan edilərək barəsində rayon məhkəməsinin qərarı ilə həbs - qəti imkan tədbiri seçilib.

Hazırda iş üzrə istintaq davam etdirilir.

Mənzil bazarını canlandıracaq daha bir addım

Xaliq — Fri, 06 Nov 2015 11:15:19 GMT

Azərbaycanda evlərin və mənzillərin satışından vergi tutulması qaydaları dəyişəcək. Bəs yenilik daşınmaz əmlak bazarında hansı ciddi dəyişikliklərə gətirib çıxaracaq?

Milli.Az xəbər verir ki, fins.az-ın məlumatına görə, bu barədə Vergi Məcəlləsinə edilən dəyişikliklərdə nəzərdə tutulur. Həmin dəyişikliklər Milli Məclis tərəfindən büdcə paketi ilə birlikdə qəbul edilib, təsdiqlənmək üçün ölkə prezidentinə təqdim edilib və təsdiqlənəcəyi təqdirdə, 2016-cı ildən qüvvəyə minəcək.

Hər kvadrata görə 15 manat

Yeni qaydalara görə, ev və mənzillər satılanda vergi onun qiymətinə görə yox, sahəsinə görə tutulacaq. Belə ki, mənzilin hər kvadrametrinə görə, 15 manat vergi hesablanacaq. Məsələn, satılan evin sahəsi 100 kv.m olduqda ödənilən vergi 1500 manat, evin sahəsi 40 kvadratmetr oluqda isə vergi 600 manat olacaq və s. Bu zaman mənzilin hansı qiymətə satıldığı nəzərə alınmayacaq. Amma bu rəqəm Bakı şəhəri üçün baza rəqəmi sayılır. Yəni evin harada yerləşməsindən asılı olaraq verginin məbləği artıb-azalacaq. Belə ki, regionlarda bu məbləğ daha aşağı olacaq. Bakının özündə də ev satışından tutulan verginin məbləği evin hansı ərazidə yerləşməsindən asılı olacaq. Mərkəzdə yerləşən evlərin satışından vergi daha yüksək olacaq, kənarlara getdikcə vergi də azalacaq.

Bakının 12 zonası

Belə ki, Nazirlər Kabinetinin müvafiq qərarı ilə Bakı şəhərinin ərazisi əmlak vergisinin tutulması məqsədilə şərti olaraq 12 zonaya bölünüb. Bu zonalar paytaxtın mərkəzindən tutmuş ən ucqar nöqtələrinə qədər bütün ərazini əhatə edir. Hər bir zona üzrə ayrıca əmsal var və vergi hesablananda bu əmsallardan istifadə olunacaq. Əmlak vergisi üzrə əmsallar 0,7-dən 1,5-dək dəyişir. Şəhərin mərkəzi hissələrinə aid əmsallar daha böyükdür. Bu, o deməkdir ki, mərkəzdəki əmlak sahibləri nisbətən kənarda yaşayanlarla müqayisədə daha artıq vergi ödəyəcəklər.

Vergi necə hesablanacaq?

Bakının ayrı-ayrı zonalarında mənzil satışından tutalacaq vergi

Məsələn, Bakının mərkəzində - 1-ci zonada əmlak satılarkən onun 1 kv.m-dən tutulan vergini hesablamaq üçün 15 manat baza rəqəmi 1,5 əmsalına vurulacaq. Nəticədə hər kv.m-ə görə 22,5 manat vergi ödəniləcək. 2-ci zonada bu rəqəm hər kvadratmetrə görə 21 manat və s. olacaq.

Bakının kənarlarında isə əksinə, əmlak vergisinin dərəcəsi azalacaq. Mənzilin 1 kvadratmetri üçün vergi hesablananda 15 manat məbləğ 0,7 əmsalına vurulacaq. Yəni hər kvadratmetrdən tutulan vergi 10,5 manat təşkil edəcək.

Zonalar necə bölünüb?

Nazirlər Kabinetinin adıçəkilən qərarında Bakının bölündüyü zonalar dəqiq göstərilib. Məsələn, şəhərin mərkəz hisəsini göstərən 1-ci zona "Azneft" meydanından başlayır və bu zonanın sərhədləri Niyazi, İstiqlaliyyət, Hüsü Hacıyev, Nizami və Rixard Zorge küçələridir.

2-ci zona bir qədər kənar ərazini - Füzuli, Rəşid Behbudov küçələrini, "28 may" metro stansiyasını və yaxınlıqdakı əraziləri əhatə edir.

3-cü zonaya isə Şəhidlər Xiyabanından başlayaraq Nəriman Nərimanov və Tbilisi prospektlərini, Bakıxanov və Həsən Əliyev küçələrinin, eləcə də Azadlıq prospektinin əhatə etdiyi əraziləri nəzərdə tutur.

10-cu zonaya Zuğulba, Buzovna, Mərdəkan, Şüvəlan, Lökbatan, Hövsan, Binə, Maştağa, Nardaran qəsəbələri, eləcə də Pirallahı rayonu aiddir.

11-ci zona isə Zığ, Sahil, Ramana və Zabrat qəsəbələrini əhatə edir.

Nəhayət, 12-ci zonaya Qaradağ, Xəzər və Sabunçu rayonlarının digər əraziləri aiddir.

Ekspert yanaşması

Daşınmaz əmlak bazarı üzrə ekspert Rəşad Əliyev Milli.Az-a bildirib ki, yaşayış mənzillərinin alqı-satqısının vergiyə cəlb edilməsinin sadələşdirilməsi bazara müsbət təsir edəcək: "Bazarda vəziyyətin gərgin olmasını nəzərə alsaq, demək olar ki, bu, daha çox uzunmüddətli perspektivdə özünü göstərəcək. Əmlakın investisiya cəlbediciliyinin artması da investorların bazara marağını artıracaq. Alqı-satqı üzrə vergi dərəcələrinin aşağı olması isə bazarı tərk etmiş bəzi ev alverçilərinin qayıtmasına səbəb ola bilər".

Ekspertin sözlərinə görə, bu cür yanaşmanın mənfi cəhəti odur ki, mənzilin neçəyə satılmasının və nəticədə nə qədər qazanılacağının heç bir əhəmiyyəti olmur: "Mənzili zərərlə və mənfəətlə satan mülkiyyətçilər eyni vergi ödənişi edəcəklər. Əvvəlki qaydalarda isə zərərlə (baha alıb ucuz satan) mənzil satan satıcılar vergi ödəmirdilər".
Lakin R.Əliyevin fikrincə, dəyişikliyin müsbət cəhətləri daha çoxdur: "Əsas müsbət cəhət qaydaların sadələşdirilməsidir. Bu üsulla həm vergi orqanları, həm də vətəndaşlar ödəniləcək vergini asanlıqla və dəqiqliklə hesablaya biləcəklər. İkinci müsbət cəhət isə vergi dərəcələrinin aşağı olmasıdır. Məsələn, 1-ci zonada satılan mənzilin vergi məbləği satış qiymətinin orta hesabla 1,5-2 faizini təşkil edəcək. Beləliklə, nə qədər qazanılacağından asılı olmayaraq, eyni məbləğ ödəniləcək".

Ekspert, həmçinin qeyd edib ki, bu yenilik süni qiymət artımının da qarşısını ala bilər: "Məsələn, əvvəlki qaydalara görə, bəzi mənzillərin satışı zamanı xərclər çox olurdu. Həmin xərcləri kompensasiya etmək üçün bəzi satıcılar satış qiymətlərini artırmaq istəyirdilər və bu zaman verginin məbləği çox olurdu. Yeni vergi hesablama sistemi isə tətbiq edilsə, həmin mənzillərin satış xərcləri xeyli azalacaq. Bu, hətta qiymət güzəştlərinin edilməsi üçün də əlavə şərait yarada bilər ki, bu da öz növbəsində əmlak bazarındakı qiymətlərə müəyyən dərəcədə təsir edə bilər".

İlkin İzzət
Milli.Az